!.بشرى الصابرين.!

يلومني القلب ..

أهذه انتِ تعشقين؟!

أولم يكن العشق

فعلا مشينا ؟

سمة المذنبين ؟

أو كانت كلها أقنعة زيف تضعينها

أكنتِ بثوب العفة تخدعين ؟!

مامن حلم جميل هنا

لا احضانَ دافئةٌ

لا همس ولا لمسٌ

أنت بهذا تتوهمين..

ما بذرة الصدق بأرض الكذب نابتة!

ولا زهرالحب الذي تزرعين

تفتشين في دفاتره!!

شك يسافر بك

الى ماضٍ له ..

زلاته .. عقباته

فرحه وأزماته

وعن حبٍ قديم تبحثين

لا بيدك ميثاق عهد

او كلمة وعد

فكيف ستضمنين!

انتي مجرد يوم جميل له

كنسمة صيف عابرة

ثم عن عينيه تزولين

أما تعلمين ياصغيرة الحب

كم من ملاك يبتسم في وضح النهار

يمسي ابنا للشياطين ؟!

*********

أذوب في صمتٍ

ماذا أقول له!

أين الإجابات الطوال ؟

أين الكلام الرصين !

رويدك أيها القلب

ألستَ من خارت قواه

وودع العقلَ ؟!

ألست انت الرهين ؟!

أتلومني؟

وانت من سلمتني ليديه ..

انت من خان العهد المتين !

تركتني في درب الهوى

وحيدة .. ضعيفة

تركتني بلا حول ولا قوة ..كالمساكين

أحببته بك ولك

ليكون ظلا وارفا

وبالشعورسيلا جارفا

ليحبني حب المجانين

وان كان البرود طبعا به

ونصيبي منه الجفاء

سأحبه الآن وغدا

وحتى أبعد الحين

رغما عن كبريائه

عن تسلطه ..وغرورا به يستكين!

أريده ملكا على روحي

على جسدي..

وعليك من الآمرين

سأحبه بلهفة وبحرقة

سأغمره بكل شيء

وأخوض معه كل الميادين

سأكتب له وعنه

قصيدة وقصيدتين

و سابتدع لأجله مذهبا للمحبين

يا أيها القلب

دعني فإني

رغم كل العيوب

واقتراف الذنوب

ارتضيت محبته ..

فان امسيت اليوم يجفاني

قد يكون الأمرغدا بشرى الصابرين!

عـ يـ د يـ تـي !

فرحتي بالعيد ..

ريحها ريح البخور

وشكلها مبسم أمّي

قدرها حبّة على راس أبوي

وطعمها لمّة أخواني ..

صوتها ضحكة طفل

ولونها مثل الصباح

يشرق على بيوت جيراني

صباح الحب

صباح جديد

صباح الفرحه

صباح العيد

على أهلي وخلاني

عيني ترف

قلبي هتف ..

كلي شغف ..

أبي الوقت ما يعدي

أبيه ينساني ..

أبي أرض الفرح ديره

أبي صوت الهنا جيره

أبي أضحك

وأنسى الدنيا وأحزاني

عيديتي فيكم

عيديتي إنتم

سلام كفوف

وحضن دافي

عيديتي..!

أمي .. وأبوي .. وأخواني

إلى أحلى عريس :) ..!

ضاق بي كوني ..

ماوسعني .. من الفرح

وين أروح بفرحتي ..

من كبرها ما تشيلها يديّ

يوم شفتك ماتفارقك ابتسامه

تلمع بها عيونك

بين مشلح وثوب

أشوف أحلى عريس

فرحتي مالها زيّ

ياخوي ياعزوتي ..

يامسندي لا طحت

ياملجأي ..

يابعد كل حيّ

مبروك فرحك

مبروك عمرك ..

مبروك عرسك

يِكْتَب لك التوفيق

ومبروك فكل شيّ

يوهبك ربي

سعد وفرح ..

بركه ورزق

ثواب ونعيم

وفي جواره فيّ

ياخوي ..

ياغلى من سكن عمري

ياقرب من هوى نفسي

يابعد كل من ليّ

في فرحك..

أسعد واشارك..

في عرسك ..

أفرح وابارك

وادعي لك بقلب صادق

ياجعل ايامك كلها ضيّ ..

][ حبيبي بالهنا نايم][

-_-
أصحى ..
وانفض النوم من عيون ساهره ..
التفت يمه ..اشوفه بالهنا نايم ..
ما قدرت اخفي بسمة عالشفايف حكت ..
حبـ(ن) قديم .
. سوالف هوى .. وعشق هايم ..
من نسى .. حب وألم ..
وصراع المشاعر
وحكي ناس وجرح لايم ..
لمسته .. باتاكد ..
هو حبيبي .. وارد ابتسم ..
وتاخذني الضحكه ..
لما اشوفه من الكسل قايم ..
يناظرني بعين .. وعين باحلامها غرقى ..
ماصحت .. واسال كاني مادريت ..
للحين يالغلا نايم ؟!!
يرد يضحك ( بالله عليك ؟!!)
وارد والفرحه صباحي .
. صباح الحب .. يا اجمل حب ..
واحلى انسان .. واطيب قلب .
.اطالع عيونه ..
واحاول .. بكل كيدي ازود جنونه ..
واقول ..بسرعه يللا .. يللا يللا ..
قوم البس .. وقبلها ..
صلي ركعتين
يومك بالضحى قايم ..
واقوم اتشاقى عليه ..
وابعد عن هواا نفاسه ..
واعود اشتاق وارجع اليه ..
ويعاودني حنيني ..
والضحكه عليه ..
أعطر ملبسه ..
واسكر زراره ..
ويديني بايديه ..
أعدل غترته .. ليه مميلها .؟!!
كل هذا كرم .. والا لؤم ..
وارد اضحك .. تبي يعني تزود حلاها من يديني ؟!!
يتسلى ببرود ..
ويرد يقول .. (( ياروقك دايم ؟!!))
روحي نامي .. وخليني انا بهم الزحام ..
وبحر الشمس .. وامشي اداوم ..
وارد اقول .. والشوق يسبقني ..
كيف انام .. قبل تتطمني بوصولك ..
وارد امشي .. وراه ..
بكل خطوه .. اردد في الحشا دعوه
يارب احفظه .. وارعاه .. ومن خيرك اجزاه ..
ورده لعيوني سالم ..
ويروح عني .. والنواظر تتبعه ..
والقلب يصرخ .. بحبه .. ولهفه عليه ..
-_-
وفجأه انتفض ..
لاهو هنا .. ولا انا هنا ..
وينه هو .. وويني انا ..
مافيه الا سراب .. وحطام احباب ..
ووحده والم .. كل شي انتهى ..
بلا انذار او سابق جرم ..
ولا استمرت القصه ..
وانتهى بدمعي الفلم ..
وكل ماسبق ..كان كذبه
كذبه اخترعها حلم !!..,
-_-


،’ ماكتب اعلاهـ من نسج الخيال ’,

كفـايه قهر ! ~

***

صمت وأنين ..

عالم غريب ..

وحده يسمونه أو قبر ؟!!

قالوا لي مكتوب أو يمكن قدر !!

خيره .. ومفتاحها قوه وصبر !!

***

عجز الحروف

وموت الحبر ..

دم دمعي

ودمع دمي

وقلبي تجرّّح و أندمر !!

***

آآه يا ظالم كلي يبيك ..

كلي يحبك ..

كلي يشوفك دنيا جديدة أو عمر!!

روح وسما نجم وقمر !!

***

((أحبك))

بداية نبض قلبي ونهاية لكل سطر !!

بعثرتني أتعبتني ..

أهديتني ليل وسهر !!

ومنك خذيت ..

شوق جارف حب زايف ..

صد وجفا ظيم وقهر ؟!!

***

ممكن تحن ؟!!

تسمح تحس ؟!!

ممكن تحب ؟!!..

أبيك تحبني مره

من ألف مره تهديني فيها صد وقهر ..

مره عشاني ..

ومره عشانك

ومره اخيره بالعمر !

أبي عيونك تغطيني

تنسيني تضيعني

وأبي صوتك يدفيني يهدّيني

وابي شوقك جمر !!

أبيك معي دايم معي

تنسى مواعيد(ن) قديمه

تنسى التذاكر والسفر ..

أبيك لي وحدي

لو مره بس مره بها العمر !!

****

تضحك علي ؟!!

تصد عني ؟!!

تروح بعيد .. أبعد من حدود القمر ..

"حبك بقلبي ماضي حياتي يا حياتي ..

شيـّ(ن) قديم واندثر"

هذا كلامك ؟!!

هذا ردك !!

هذا خافيك إلي ظهر ؟!!

بدل ما تطفي حنيني

وتمسح الدمع إلي لك

ومنك و عشانك انهمر ..

تذبحني ..

وبكل برود "تضحك"

وتزودني قهر ..

***

يا دموعي .. يا خضوعي ..

يا ذلي برجوعي..

يا فصل بايخ من حكاية قديمه ..

بسنا شوق.. بسنا بكى

كفاية قهر!! ..

***

هاك كلي .. كلي عطا.. !

,’,’,’,’,’

بين الوجيه الحاضره ..

تعبت أدور .. أدور هناك وهنا ..

أو يمكن هنا ..

في قلبي حضورك

والايمكن في جفني ..تنام بهنا ..

تعبت من صدك وجورك .

. تعبت الوله وأضناني العنا ..

لحظه لحظه ..

يمكنك هنا ..

لا ما انت هنا ..

وينك بس .. ما ابي شي ..

ابي تطمني عليك ..

واسلم عليك ..

تريحني ياضنيني ..

بس ابي شوفك انا

,’,’,’,’,’

.. يا [ فلان ]

قلبي يحبك ..

واتعبتني انت ..

والشوق وغيابك الي كأنه من سنه ..

ليه تتعبني .. ليه تقهر حنيني ..

وتذبح سنيني .. وتتجاهل أنيني ..

وتقتل أحلامي والمنى ..

تكفى طلبتك .. ما أبي تبادلني شعورك..

ولا تكسر في قلبي غرورك ..

ابيك هنا دايم هنا .. لاجل تنورني بنورك ..

وأعيش ايامي بسوروك ..وأحيا انا ..

في همس صوتك وانفاسك دفا ..

,’,’,’,’,’

يا [ فلان ]

بسّك كذا .. هات إيدك ..

تعال يمي .. تعال هنا ..

هاك قلبي .. هاك حضني ..

هاك جفني .. فرش وغطا ..

هاك كلي ..

وكل كلي .. وكلي عطا ..

وابقى هنا ..

,’,’,’,’,’

جده .. ولندن !!

لحظة فراق ..

ودمع العين يشهد ..

وصايا ودعا..

وقلب متعلق وملهوف ..

هو ينقسم نصين ..

هنا وهناك ..

والا يبقى بالحشا مغلوف؟!

**

مابين جده والبحر وسهيل ..

وهناك لندن تحضن الباقي ..

ياربع قلبي

ياهل الوفا والجود والمعروف ..

باقي الرياض اعمى

ماله طعم أو لون

مظلم ومعيوف!!..

مابه مشاعل..!

بنان ..!

بدونهم أكلم .. بدونهم أظلم

يدونهم شلون الرياض يشوف ؟!

**

ياحظ رمل البحر يِلْثم أقدامك ..

وياحظ ورق الشجر يبهى قدامك..

وين ذيك الاقدام وهاك الكفوف!

**
وانا هنا .. لوحدي هنا

ارتشف ذكرى .. واسترجي الطيوف ..
وقتي فراغ..

قلبي فراغ .. وعيني فراغ

كلي انا بين الحشا والجوف
أبيكم هنا .. دايم هنا

بقلبي وعيني

قدامي وشوف عيني ..

غصب عن كل الظروف..
تعالي مشاعل..

وإنتي بنان..

هاكم قلب فيه الوجد هتان

هاكم كل شي ..

صعب تحكيه الحروف ..

**

مُهدى لأعز صديقتين :)